| Qari: |
So direct your face toward the correct religion before a Day comes from Allah of which there is no repelling. That Day, they will be divided.
تو اس روز سے پہلے جو خدا کی طرف سے آکر رہے گا اور رک نہیں سکے گا دین (کے رستے) پر سیدھا منہ کئے چلے چلو اس روز (سب) لوگ منتشر ہوجائیں گے
[فَاَقِمْ : پس سیدھا رکھو] [وَجْهَكَ : اپنا چہرہ] [لِلدِّيْنِ الْقَيِّمِ : دین راست کے لیے (طرف)] [مِنْ قَبْلِ : اس سے قبل] [اَنْ : کہ] [يَّاْتِيَ : آجائے] [يَوْمٌ : وہ دن] [لَّا مَرَدَّ : ٹلنا نہیں] [لَهٗ : اس کے لیے وہ] [مِنَ اللّٰهِ : اللہ سے] [يَوْمَىِٕذٍ: اس دن] [ يَّصَّدَّعُوْنَ: جدا جدا ہوجائیں گے]
اللہ کے دین میں مستحکم ہوجاؤ
اللہ تعالیٰ اپنے بندوں کو دین پر جم جانے کی اور چستی سے اللہ کی فرمانبرداری کرنے کی ہدایت کرتا ہے اور فرماتا ہے۔ مضبوط دین کی طرف ہمہ تن متوجہ ہوجاؤ۔ اس سے پہلے کہ قیامت کا دن آئے ۔ جب اس کے آنے کا اللہ کا حکم ہوچکے گا پھر اس حکم کو یا اس آنے والی جماعت کو کوئی ٹال نہیں سکتا۔ اس دن نیک بد علیحدہ علیحدہ ہوجائیں گے۔ ایک جماعت جنت میں ایک جماعت بھڑکتی ہوئی آگ میں ۔ کافر اپنے کفر کے بوجھ تلے دب رہے ہونگے۔ لوگ اپنے کئے ہوئے نیک اعمال بہترین آرام دہ ذخیرے پر خوش وخرم ہونگے۔ رب انہیں ان کی نیکیوں کا اجر بہت زیادہ بڑھا چڑھا کر کئی کئی گناہ کرکے دے رہا ہوگا۔ ایک ایک نیکی دس دس بلکہ سات سات سو بلکہ اس سے بھی بہت زیادہ کرکے انہیں ملے گی ۔ کفار اللہ کے دوست نہیں لیکن تاہم ان پر بھی ظلم نہ ہوگا۔